معاملة أطفال

لأن كل مهنة لها مشاكلها عشان كدة فيه حاجة اسمها احتياطات الأمان اللي عادة ما حدش بيلتزم بها في مهنته زي الخوذة و الكمامة و البالطو ... دة غير ان أي مؤسسة لازم يكون فيها مسئول أمن صناعي يتابع الالتزام بالحاجات دي غير الاحتياطات اللي بتتعمل من الأول زي سلالم الطوارئ و أنظمة الإطفاء و غيره ...

بالنسبة لصناعة البرمجيات كنت فاكر ان أقصى مشاكل ممكن يتعرض لها الـ developer  مننا هي مشاكل الأعمال المكتبية عامة زي الكرش و مشاكل فقرات الرقبة و الظهر و العمود الفقري عامة بالإضافة لمشاكل النظر و اجهاد العين .. و من ثم فتخيلت ان احتياطات الأمان اللى برضه ما حدش هيلتزم بها هي كرسي صحي، ارتفاع مكتب ملائم، وضع جلوس صحيح، تمارين رياضية، فلتر شاشة، نظارة، لوحة مفاتيح صحية (Anti-RSI keyboard)  ... لكن الموضوع طلع اكبر من كدة بكتيرو غير منحصر بس في مشاكل المكتب لما لقوا ان الـ developers  بيجيلهم أعراض مرض التوحد !! التفاصيل في الخبر دة:

The Geek Syndrome
Autism - and its milder cousin Asperger's syndrome - is surging among the children of Silicon Valley. Are math-and-tech genes to blame?

و بالذات مجموعة أعراض أسبرجر اللي تعتبر من درجات التوحد؛ لدرجة ان أحد المواقع الطبية بينصح مرضى التوحد انهم يشتغلوا مبرمجين للسبب التالي:

Computer science is a good choice because it is very likely that many of the best programmers have either Asperger's syndrome or some of its traits.

يا ترى احتياطات الأمان دلوقت هتبقى ايه؟ و يا ترى الشركات الكبيرة هيبقى عندها إدارة أمن صناعي لصناعة البرمجيات؟ و هتبقى عاملة ازاي؟ هيكون فيها دكتور نفسي و أخصائي اجتماعي؟ والناس بتوع الجودة و الـ process  هيتأكدوا ان اي مؤسسة بيقيموها بتتبع احتياطات الأمان مع المبرمجين زي ما ببتأكدوا من كل الإجراءات التانية؟ و هيكون شكلها ايه الاحتياطات دي؟

الظاهر ان الأعراض دي الناس بدأوا يلاحظوها على بعض الـ developers الي حواليهم وبقوا بياخدوا بالهم ان دول معاملة أطفال !